ბათუმში, 30 აგვისტოს, ღამის ორ საათზე გაჩენილ ხანძარს ამ დროდე აქრობენ. ხანძრის ლოკალიზება ღამე მოხერხდა, მაგრამ მიმდინარეობს სალიკვიდაციო სამუშაოები. ხანძრის შედეგად პუშკინის ქუჩაზე 10 სავაჭრო ობიექტი დაიწვა. ხანძარს მსხვერპლი არ მოჰყოლია.

ფოტო: მამუა გეგიძე / On.ge

დაზარალებულები დახმარებას ითხოვენ, მათი თქმით მაღაზიები დაზღვეული არ ჰქონდათ. როგორც გუშინ აჭარის მთავრობის თავმჯდომარემ, თორნიკე რიჟვაძემ განაცხადა ზარალს დაითვლიან და "შესაბამის ზომებს გაატარებენ".

ადგილობრივების ინფორმაციით, დამწვარია საღებავების, შპალერების, ფარდებისა და ტექნიკის მაღაზიები. პირველადი ვერსიით ხანძარი ერთ-ერთი მაღაზიის სახურავზე გაჩნდა, სადაც სახანძრო უსაფრთხოების წესები არ იყო დაცული.