ბათუმში, პუშკინის ქუჩაზე, 23-ე სკოლის მიმდებარედ ხანძარი გაჩნდა. ადგილოვრივების ინფორმაციით, ხანძრის შედეგად ათზე მეტი მაღაზია დაიწვა. ხანძარი გვიან ღამით გაჩნდა და მსხვერპლი არ მოჰყოლია.

მაშველები ხანძარს 2 საათზე მეტია წყლითა და სპეციალური ქაფით აქრობენ, რადგან არსებობს აალების რისკი. ხანძრის კერების მიმდებარედ საცხოვრებელი სახლებია, უსაფრთხოების ზომებიდან გამომდინარე ქუჩაზე გათიშულია ელექტროენერგია, მოქალაქეები კი გარეთ იმყოფებიან.

ფოტო: მამუკა გეგიძე / On.ge

ადგილობრივების ინფორმაციით, დამწვარია შპალერების, ფარდებისა და ტექნიკის მაღაზიები. მათივე თქმით, ამ დროისთვის უცნობია მოედო თუ არა ცეცხლი ტანსაცმლის მაღაზიების.

აჭარის მთავრობის თავმჯდომარის, თორნიკე რიჟვაძის განცხადებით ხანძრის ლიკვიდაციის შემდეგ ზარალის ოდენობას დაითვლიან და შესაბამის ზომებს გაატარებენ. ადგილზე 11 სახანძრო-სამაშველო ბრიგადა მუშაობს.