ეკონომიკის მინისტრის, გიორგი ქობულიას თქმით, რაც ეკონომიკის მინისტრად დაინიშნა "ნახევარზე მეტი იმუშავა", თუმცა "ნახევარი შვებულება მოუწია". მისივე განმარტებით, შვებულებაში მისი ხშირი გასვლა ჯანმრთელობის საკითხებსუკავშირდება.

"აქედან მაქვს კონტაქტი ჩემს ხალხთან. მაქსიმალურად ვცდილობ, რომ საკითხები გადავწყვიტო. მე რომ მცოდნოდა, რომ მინისტრად ვდგებოდი არა ივლისში, არამედ მაისში, მაშინ, რა თქმა უნდა, ასეთი საკითხი არ იდგმებოდა. რადგან ეს გადაწყვეტილება ძალიან სწრაფად მოხდა, მე უკვე ვეღარ შევცვალე ბევრი რაღაც ჯანმრთელობასთან დაკავშირებით მქონდა რაღაცეები, რაც უნდა დავასრულო", - განაცხადა მინისტრმა რუსთავი 2-თან სატელეფონო საუბრისას [სტილი დაცულია].

გიორგი ქობულია ეკონომიკის მინისტრად 12 ივლისს დაინიშნა. ამ ხნის განმავლობაში ის შვებულებაში მესამედ გავიდა. შვებულებაში ყოფნის გამო მინისტრი გერმანიის კანცლერთან, ანგელა მერკელთან შეხვედრას ვერ დაესწრო.