მალაიზიის პრემიერმინისტრის მოადგილის, აჰმედ ზაჰიდ ჰამადის ინფორმაციით, ინდონეზიამ და მალაიზიამ მარიანას ყურეში სარაკეტო თავდასხმა თავიდან ერთობლივად აიცილეს. ამის შესახებ ინფორმაციას ადგილობრივი მედია ავრცელებს:

"მალაიზია ტერორიზმს არა მხოლოდ საკუთარ მიწაზე, არამედ მსოფლიოშიც შეებრძოლება. აუცილებელია სახელმწიფომ სწრაფად იმოქმედოს, რათა არასასურველი ინციდენტები თავიდან აიცილოს".

ინდონეზიის უსაფრთხოების ძალებმა გასულ პარასკევს სინგაპურზე შეტევის მცდელობისთვის ექვსი პირი დააკავეს. მეორე დღეს კი მხოლოდ ერთი გაათავისუფლეს, რადგან ის ამ საქმესთან დაკავშირებული არ აღმოჩნდა.

ინდონეზიის პოლიციის ინფორმაციით, ერთ-ერთი დაჯგუფების წევრია. მათ კავშირი ჰქონდათ და ფინანსდებოდნენ ისლამური სახელმწიფოს სამხედრო პირის ბარუნ ნაიმისგან, რომელიც ხელს უწყობდა სინგაპურზე თავდასხმას.

ამ ეტაპზე უცნობია, თუ რა ტიპის რაკეტების გამოყენება იგეგმებოდა. თავდაცვის მინისტრის განცხადებით, წლევანდელი ეროვნული დღესასწაულის აღსანიშნავად საჰაერო და საზღვაო უსაფრთხების ზომები იქნება მიღებული. მან ასევე მოუწოდა სინგაპურელებს, რომ მომავალი ორი ათწლეულის განმავლობაში მზად იყვნენ ტერორიზმის საფრთხისათვის.