მოგწონთ თუ არა ვიქტორია სიქრეთის შოუ, ის მოდის სამყაროს ერთ-ერთი მნიშვნელოვანი მოვლენაა — დღეები, რომლებიც ნებისმიერი ფეშენისტას კალენდარზე წითლადაა შემოხაზული.

გასულ წელს, შოუს ინდუსტრიის რამდენიმე მაღალანაზღაურებადი მოდელი აკლდა. მათ შორის ჯიჯი ჰადიდი და კენდალ ჯენერი. ჰადიდს მიწვევა ჰქონდა, თუმცა შანხაის ვიზა ვერ მიიღო. ჯენერი კი La Perla-ს უკეთებდა რეკლამას და სხვა თეთრეულის ბრენდთან მუშაობა კონტრაქტით ეკრძალებოდა.

შოუზე რამდენიმე მიწვეული მოდელია, მონაწილეების ნაწილს კი ქასთინგით არჩევენ, რომელიც ნიუ-იორკში აგვისტოს განმავლობაში იმართებოდა.

როგორც ქასთინგზე მისული მოდელების ფოტოებიდან ვხედავთ, მათ უმრავლესობას შავი ტოპი აცვია და მინიმალური მაკიაჟი და ბუნებრივი ვარცხნილობა აქვს შერჩეული.

თავად ნახეთ, რა ეცვათ მოდელებს ვიქტორია სიქრეთის შოუს ქასთინგზე და როგორი მსგავსებაც არ უნდა მოგეჩვენოთ მათ შორის, დაგვიჯერეთ — სტატიაში თითოეული ფოტო მხოლოდ ერთხელაა გამოყენებული.