შინაგან საქმეთა სამინისტროს ცენტრალური კრიმინალური პოლიციის დეპარტამენტის თანამშრომლებმა ანაკლიაში, ელექტრონული მუსიკის ფესტივალის მიმდინარეობისას, ნარკოტიკული საშუალების უკანონოდ შეძენის, შენახვისა და გასაღების ბრალდებით სამი პირი დააკავა.

შსს აცხადებს, რომ სამართალდამცველებმა სხვადასხვა სახის ნარკოტიკული საშუალებები იმ დროს ამოიღეს, როდესაც ისინი მათ მუსიკალური ფესტივალის დროს ასაღებდნენ. უწყების ცნობით, დაკავაბულთაგან ორის დროებითი საცხოვრებელი სახლების ჩხრეკისას, პოლიციამ ასევე ნარკოტიკული საშუალება ნივთმტკიცებად ამოიღო.

გამოძიება ნარკოტიკული საშუალებების უკანონო შეძენა-შენახვა-გასაღების ბრალდებით მიმდინარეობს, საქართველოს სსკ-ის 260-ე მუხლის მე-4 ნაწილით და დამტკიცების შემთხვევაში 6-დან 11 წლამდე ვადით თავისუფლების აღკვეთას ითვალისწინებს.