Echowaves ფესტივალი უკვე თითქმის 20 საათია ნონ-სტოპ რეჟიმში მიმდინარეობს. ამ წუთებში მუსიკის მოსმენა დღის სცენაზე, Taiyo Stage-ზეა შესაძლებელი. დილიდან დაიწყო ასევე ყოველდღიური სპორტული და გასართობი აქტივობები.

ფესტივალის მეორე დღის ჰედლაინერები ბრიტანელი მუსიკოსი, ტრიფ-ჰოფ მუსიკის ერთ-ერთი გამორჩეული ფიგურა - Tricky და გერმანელი დიჯეები და პროდიუსერები, Ben Klock და Marcel Dettmann იქნებიან. თრიქი მთავარ სცენაზე ღამის 10 საათზე დაუკრავს.

დღის ერთ-ერთი მთავრი მოვლენა სწორედ Ben Klock-ისა და Macel Dettmann-ის B2B სეტი იქნება. კლუბ Berghain-ის რეზიდენტები საქართველოში ერთად პირველად დაუკრავენ. მათი სეტი მთავარ სცენაზე, Wave Stage-ზე, ღამის 3 საათზე დაიწყება და 2 საათს გაგრძელდება. შემდეგ კი ინდივიდუალურად გააგრძელებენ დაკვრას. დილის 5 საათიდან Marcel Dettmann Khidi Stage-ზე გადაინაცვლებს, Ben Klock -ის მოსმენას კი ისევ Wave Stage-ზე შეძლებთ.

Echowaves 23 აგვისტოს გაიხსნა და პირველი დღის ჰედლაინერი ტექნო მუსიკის პიონერი, Juan Atkins იყო. ის მსმენელის წინაშე კომპოზიტორთან და მულტიინსტრუმენტალისტთან, Dzijan Emin-თან და თბილისის კონსერვატორიის ალტერ ორკესტრთან ერთად წარდგა.