ყოფილი ლეოგრანდის ადვოკატი, კახაბერ წერეთელი საგანგებო სიტუაციების მართვის სამსახურის განცხადებას გამოეხმაურა, სადაც წერია, რომ სასტუმროს საქმიანობის შესაჩერებლად მხოლოდ ორი დღე აქვს. წერეთლის თქმით, ეს ვადა მათ მიმდინარე წლის ბოლომდე ჰქონდათ და მსგავსი გადაწყვეტილება აგვისტოში, როდესაც ტურისტული სეზონის პიკია, გამოუსწორებელ შედეგებს მოუტანს სასტუმროს.

"ყველა ვაღიარებთ იმას, რომ უსაფრთხოება არის ცალსახა და უპირობო მოთხოვნა და ყველა ეს მოთხოვნა ბოლომდე იქნება მიყვანილი", - აცხადებს წერეთელი.

24 ნოემბრის ღამეს, სასტუმრო ლეოგრანდში გაჩენილი ხანძრის შედეგად, 11 ადამიანი დაიღუპა. მათ შორის, 10 საქართველოს, ხოლო ერთი ირანის მოქალაქე. მაშველებმა და პოლიციელებმა სასტუმროს შენობიდან ასზე მეტი ადამიანის ევაკუაცია შეძლეს. 20-მდე ადამიანი სხვადასხვა სირთულის ინტოქსიკაციის გამო, ბათუმის კლინიკებში გადაიყვანეს.

მაშინ, შინაგან საქმეთა მინისტრმა, გიორგი გახარიამ განაცხადა, რომ შენობაში სახანძრო ნორმები და მოთხოვნები დარღვეული იყო.