ფინანსთა სამინისტროს შემოსავლების სამსახურის ინფორმაციით, სამ სხვადასხვა საბაჟო პუნქტზე რუსეთის აზერბაიჯანისა და საქართველოს მოქალაქეებს ორ დღეში 7,13 გრამი მარიხუანა აღმოუჩინეს. 10-12 აგვისტოს გამოვლენილ კანონდარღვევაზე განცხადება შემოსავლების სამსახურის ვებგვერდზეა განთავსებული.

"ფინანსთა სამინისტროს შემოსავლების სამსახურის მებაჟე ოფიცრებმა, ეჭვის საფუძველზე, რუსეთისა და აზერბაიჯანის მოქალაქეების ფიზიკური ხოლო, საქართველოს მოქალაქის, კუთვნილი ავტომანქანის დათვალიერების შედეგად, ნარკოტიკული ნივთიერება მარიხუანა აღმოაჩინეს", - აღნიშნულია შემოსავლების სამსახურის განცხადებაში.

მათივე ინფორმაციით, ამ საქმეებზე მასალები, შემდგომი რეაგირების მიზნით, შინაგან საქმეთა სამინისტროს გადაეცა.

საქართველოს კანონმდებლობით, 70 გრამამდე მარიხუანას ფლობა სისხლის სამართლის დანაშაული არაა და მხოლოდ ჯარიმაა გათვალისწინებული.

ამავე თემაზე: