შინაგან საქმეთა სამინისტრომ ბათუმში პროსტიტუციისთვის ადგილის გადაცემის საქმეზე 12 პირი პასუხისგებაში მისცა. დანაშაული 3-დან 6 წლამდე ვადით თავისუფლების აღკვეთას ითვალისწინებს.

გამოძიების ინფორმაციით, ტაილანდისა და ჩინეთის მოქალაქეები დროებით მფლობელობაში არსებულ მასაჟის სალონებში გასამრჯელოს სანაცვლოდ, მოქალაქეებს პროსტიტუციისთვის სისტემატურად ფართს უთმობდნენ.

გამოძიება წინასწარი შეთანხმებით ჯგუფის მიერ პროსტიტუციისთვის ადგილის გადაცემის ფაქტზე, საქართველოს სსკ-ს 254-ე მუხლის მე-3 ნაწილის "ა" ქვეპუნქტით მიმდინარეობს.