მილიარდერი ჯეფ ბეზოსის კომპანია Blue Origin-მა 3 აპრილს წარმატებულად გატესტა მრავალჯერადი რაკეტა.

ბოლო ხუთ თვეში ეს უკვე მესამე შემთხვევაა, რაც კომპანიამ Shepard-ის ტიპის რაკეტა წარმატებით გაუშვა და დასვა.

რაკეტაზე მიმაგრებული კაფსულა დამოუკიდებლად დაბრუნდა დედამიწაზე პარაშუტის დახმარებით, ხოლო თავად Shepard-ი ვერტიკალურად დაჯდა მიწაზე.

Blue Origin-ის რაკეტის დაჯდომა

Blue Origin-ის რაკეტის დაჯდომა

Shepard-ის ტიპის მრავალჯერადი რაკეტის ტესტი, 2016

ფოტო: Blue Origin

რაკეტა 103 კილომეტრზე ავიდა და სატესტო ფრენა გართულებების გარეშე დაასრულა.

Blue Origin-ი კოსმოსში ტურისტულ ფრენებს სწორედ ამ ტიპის რაკეტით აპირებს. თუმცა, ჯერჯერობით უცნობია, როდის დაიწყება კოსმოსური ტურიზმი და რა ეღირება ეს მოგზაურობა.

რაკეტის დედამიწაზე დაბრუნების პირველი წარმატებული ოპერაცია კომპანია Space X-მა შეასრულა. ილონ მასკის კომპანიამ Falcon 9-ის ტიპის რაკეტა დედამიწაზე წარმატებულად დააბრუნა, თუმცა მისი მეორედ გაშვება ამ დრომდე ვერ მოახერხა. კომპანიის აღმასრულებელი დირექტორის თქმით, Space X-ის მიზანი 2016 წელს, Falcon 9-ის განმეორებით გაშვება და შესაბამისად, მიწაზე დაბრუნება იქნება.