სახელმწიფო უსაფრთხოების სამსახურმის განცხადებით, 9 აგვისტოს, ბათუმში, ისნის სპეცოპერაციის საქმეზე მსჯავრდებული, რუსლან შავაძე დააკავეს. ამის შესახებ ნინო გიორგობიანმა დღეს, 10 აგვისტოს ბრიფინგი გამართა.

სუს-ის ცნობით, რუსლან შავაძემ ისნის სპეცოპერაციის დაწყებამდე, რანმდენიმე საათით ადრე ბერი გაბრიელ სალოსის გამზირზე საცხოვრებელი ბინა დატოვა და მიიმალა.

27 ივლისს, რუსლან შავაძე თბილსიის საქალაქო სასამართლომ დამნაშავედ სცნო დაუსწრებლად, უცხო ქვეყნის ტერორისტულ ორგანიზაციაში გაერთიანების, ტერორისტულ საქმიანობაში დახმარებისა და საქართველოს საზღვრის ჯგუფურად უკანონოდ გადმოკვეთისათვის. მას დაუწრებლად 13-წლიანი პატიმრობა განესაზღვრა.

გამოძიების ვერსიით, ახმეტ ჩატაევმა, იბრაგიმ ადაშევთან და რუსლან შავაძესთან ერთად, 2017 წლის 27 ოქტომბერს, არალეგალურად გადმოკვეთა საქართველო-თურქეთი საზღვრის მწვანე ზოლის მონაკვეთი, რაშიც ეხმარებოდნენ მათი დანაშაულებრივი ჯგუფის სხვა წევრები:

"ახმეტ ჩატაევი, იბრაგიმ ადაშევი და რუსლან შავაძე ჯგუფის სხვა წევრებთან ერთად დაბინავდნენ ბერი გაბრიელ სალოსის გამზირზე მათთვის თანამზრახველების მიერ წინასწარ შერჩეულ ბინაში".

21-22 ნოემბრის ისნის სპეცოპერაციის შედეგად, რომელიც დაახლოებით 20 საათის განმავლობაში მიმდინარეობდა, დაიღუპა ერთი სპეცრაზმელი და დაიჭრა ოთხი სამართალდამცავი. სახელმწიფო უსაფრთხოების სამსახურის ცნობით, ლიკვიდირებულია დანაშაულებრივი ჯგუფის სამი წევრი. ლიკვიდირებულთაგან ერთ-ერთი ახმედ ჩატაევია.

ამავე საქმეზე სუს-მა 26 დეკემბერს სპეცოპერაცია ჩაატარა პანკისის ხეობაში, რა დროსაც თემირლან მაჩალიკაშვილი თავის არეში დაიჭრა. ის თითქმის ორი კვირის განმავლობაში კომატოზურ მდგომარეობაში იყო.

გაიგეთ მეტი ისნის სპეცოპერაციის შესახებ.