"10 წელი აგვისტოს ომიდან" - ამ სახელწოდების აქციაზე, რომელიც რუსეთის ყოფილ საელჩოსთან იმართება, მონაწილეებმა სამი წითელი ბილბორდი მიიტანეს.

"რუსეთი კლავს...და მაინც არავითარი რეაქცია?.. როგორ ხდება ასე?!." - წერია ბილბორდებზე. პროტესტის ეს ფორმა უსამართლობასთან ბრძოლის საერთაშორისო სიმბოლოდ იქცა მას შემდეგ, რაც ფილმი სამი ბილბორდი ებინგის საზღვართან, მისურიში გამოვიდა.

ფოტო: გვანცა ნემსაძე / On.ge

ფოტო: გვანცა ნემსაძე / On.ge

აქცია საქართველოს ოკუპაციის გასაპროტესტებლად რუსეთის საელჩოს ყოფილ შენობასთან დაახლოებით ერთი საათის წინ დაიწყო და ამ დრომდე გრძელდება.

ადევნეთ თვალი On.ge-ს პირდაპირ ეთერს.

დღეს, 7 აგვისტოს 2008 წლის აგვისტოს ომიდან 10 წელი გავიდა. ამ დროისთვის რუსეთს საქართველოს ტერიტორიის 20 პროცენტზე მეტი აქვს ოკუპირებული.

ამავე თემაზე: "მე ცოცხალი ვიქნებოდი" - ოკუპაციის გასაპროტესტებლად აქცია რუსეთის ყოფილ საელჩოსთან დაიწყო