მექსიკური ტელენოველების ვარსკვლავი, ანა ბრენდა კონტრერასი CW-ის დრამის, დინასტია, ახალ სეზონში ითამაშებს.

ანა ბრენდა შოუში ქრისთლის როლს მოირგებს. მსახიობის შოუში შემოყვანა მას შემდეგ გახდა საჭირო, რაც პირველ სეზონში, აღნიშნული როლის შემსრულებელმა ნატალი კელიმ სერიალში დაბრუნებაზე უარი თქვა.

სერიალი დინასტია ამერიკაში 35 წლის წინ გამოვიდა და ის ეთერში 9 წლის განმავლობაში გადიოდა. სერიალს ერთნაირი ყურადღებით უყურებდნენ როგორც ოკეანის გადაღმა, ასევე რუსეთში, ბრიტანეთში, გერმანიაში, საფრანგეთში, ესპანეთში, საქართველოსა და კიდევ რამდენიმე ათეულ ქვეყანაში.

რიმეიქის პირველი სეზონის პრემიერა გასული წლის ოქტომბერს შედგა მასში მთავარ როლები სემ ედკოუგმა, ალან დეილიმ, ელიზაბეტ ჯილისმა და ნატალი კელიმ შეასრულეს. ცოტა ხნის წინ კი მათ სასოწარკვეთილი დიასახლისების ვარსკვლავი, ნიკოლეტ შერიდანიც შეუერთდა რომელიც ელექსისის როლს ასრულებს.

რაც შეეხება ანა ბრენდა კონტრერას, ქართველი მაყურებლისთვის ის მექსიკური სერიალებიდან Sortilegio და Teresa არის ცნობილი.