შინაგან საქმეთა სამინისტრომ გლდანში მდებარე ტექნიკის მაღაზიის, სმაილის გაქურდვის მცდელობის ბრალდებით 2002 წელს დაბადებული პირი დააკავა.

შსს-ს ვერსიით, ბრალდებულმა ხიზანიშვილის ქუჩაზე მდებარე მაღაზიის ვიტრინა ჩაამტვრია, სავაჭრო ობიექტში შევიდა და მობილური ტელეფონების მოპარვა სცადა. მათივე თქმით, პოლიციამ არასრულწლოვანი სწორედ ამ დროს შემთხვევის ადგილზე დააკავა.

საქმეზე გამოძიება ქურდობის მცდელობისთვის, საქართველოს სისხლის სამართლის კოდექსის 19-177-ე მუხლის მეორე ნაწილის "ბ" ქვეპუნქტით მიმდინარეობს.