რეჟისორმა ბესო გვენეტაძემ თავის ახალ ვიდეოში რამდენიმე ქართული იდიომი და ანდაზა გააცოცხლა.

კადრების კოლაჟში რამდენიმე გამოთქმის ამოცნობა ადვილია, რამდენიმეზე კი ცოტა ფიქრი დაგჭირდებათ.

პირველი კადრი გამოთქმა "ცეცხლს ეთამაშებას" ასახავს, რომელშიც ვიდეოს პერსონაჟი კოცონის წინ ზის და მას ჭადრაკს ეთამაშება. კადრი თავიდან მაზდეანობის პროპაგანდად მოგეჩვენებათ, მაგრამ როგორც კი ხუმრობას მიხვდებით, მაშინვე გაგეცინებათ.

სასაცილოა ეშმაკის პერსონაჟიც, რომელიც ჯერ გადადებულ საქმეს მიითვისებს და შემდეგ კი არ სძინავს.

დანარჩენები თავად გამოიცანით, ვიდეო სახალისოა და ყოველი კადრის ნახვისას თავში ნათურის ანთება აუცილებლად გაგართობთ.