საქართველოს მიერ კონტროლირებად ტერიტორიაზე სამხედრო სწავლების, "ღირსეული პარტნიორი 2018-ის" ჩატარების გამო აფხაზეთის დე ფაქტო ხელისუფლება შეშფოთებას გამოთქვამს.

"ასეთი სამხედრო სწავლებები ტარდება აშშ-ისა და დასავლეთის ქვეყნების პირდაპირი დაფინანსებით, რომლებიც თავიანთი ქმედებებით გააზრებულად ახალისებენ საქართველოს მილიტარიზაციის შემდგომ პროცესს", - ნათქვამია დე ფაქტო საგარეო საქმეთა სამინისტრომ.

ისინი მიიჩნევენ, რომ საქართველოს სამხედრო-ტექნიკური პოტენციალის ზრდა საფრთხეს უქმნის აფხაზეთის დე ფაქტო რესპუბლიკას და სამხრეთ კავკასიაში მშვიდობის საფუძვლებს არყევს. ამის გამო, ოკუპირებული აფხაზეთი აპირებს, რომ თავდაცვისა და უსაფრთხოების უზრუნველსაყოფად რუსეთთან სამხედრო-ტექნოლოგიური თანამშრომლობა გაააქტიუროს.

პირველ აგვისტოს სამხედრო სწავლება "ღირსეული პარტნიორი 2018" ვაზიანის აეროდრომზე გაიხსნა და 15 აგვისტოს ჩათვლის ჩატარდება. მასში ნატოს წევრი და პარტნიორი 13 ქვეყანა მონაწილეობს: საქართველო, აშშ, დიდი ბრიტანეთი, თურქეთი, უკრაინა, აზერბაიჯანი და სომხეთი. საქართველო მრავალეროვან სწავლებას მეოთხედ მასპინძლობს.