ეროვნულ-დემოკრატიული ინსტიტუტის კვლევის მიხედვით, საქართველოს მოსახლეობისთვის ყველაზე პრიორიტეტული საკითხები ჯანდაცვა, განათლება და პენსიები/სოციალური დახმარებაა. ეს საკითხი აქტუალობის კუთხით მნიშვნელოვანია როგორც მხოლოდ დედაქალაქის მოსახლეობისთვის, ასევე მთლიანად საქართველოში. კვლევის დროს რესონდენტებს სამი მნიშვნელოვანი საკითხი უნდა დაესახელებინათ.

ფოტო: NDI

გამოკითხული მოსახლეობა მიიჩნევს, რომ მათთვის ყველაზე მნიშვნელოვანი საკითხების გადასაჭრელად დაფინანსება უნდა მოაკლდეს დიპლომატია/საგარეო ურთიერთობებს, პოლიციასა და პატარა და საშუალო ბიზნესის ხელშემწყობ საქმიანობას.

ფოტო: NDI

NDI-ის დაკვეთით კვლევის საველე სამუშაოები 2018 წლის 23 ივნისიდან 8 ივლისამდე პერიოდში ჩატარდა. საქართველოს მასშტაბით პირისპირ ინტერვიუსთვის 2 409 ადამიანი წარმომადგენლობითი შერჩევის საფუძველზე, ქვეყნის ქართულ, სომხურ და აზერბაიჯანულენოვან მოსახლეობას შორის შეირჩა, საიდანაც გამოპასუხება 49 პროცენტია, ცდომილება კი - 1,9 პროცენტი.

კვლევა, რომელიც დიდი ბრიტანეთის მთავრობის UK aid-ის ფინანსური ხელშეწყობით ჩატარდა, საველე სამუშაოები CRRC საქართველომ შეასრულა. მოსახლეობა არ გამოკითხულა საქართველოს ოკუპირებულ ტერიტორიებზე.