მთავრობის ადმინისტრაციის ცნობით, გერმანიის კანცლერის ანგელა მერკელის ოფიციალური ვიზიტი საქართველოში უახლოეს მომავალში იგეგმება.

უწყების განცხადებით, დღეს, 31 ივლისს პრემიერ მამუკა ბახტაძისა და გერმანიის ელჩ ჰაიკე ფაიჩის შეხვედრისას, განხილვის საკითხი იყო კანცლერის ვიზიტი საქართველოში, ორმხრივი ურთიერთობები და ქვეყნის ევროპული და ევროატლანტიკური ინტეგრაციის დღის წესრიგის ძირითადი საკითხები.

ადმინისტრაციის ცნობით, მხარეებმა ყურადღება გაამახვილეს სავაჭრო-ეკონომიკურ კავშირებზე და გერმანული ინვესტიციების ზრდაზე საქართველოში, ასევე - განათლების მნიშვნელობაზე მდგრადი ეკონომიკური განვითარების უზრუნველყოფაში.