შინაგან საქმეთა სამინისტროს განცხადებით, სამართალდამცავებმა გურიაში შვილის დაჭრაში ბრალდებული მამა დააკავეს.

უწყების ცნობით, ჯანმრთელობის განზრახ მძიმე დაზიანების ბრალდებით, დაკავებულია 1954 წელს დაბადებული პირი.

გამოძიების ვერსიით, ბრალდებულმა ოზურგეთის მუნიციპალიტეტის სოფელ კონჭკათში, საკუთარი საცხოვრებელი სახლის ეზოში, ურთიერთშელაპარაკების ნიადაგზე, შვილს - 1978 წელს დაბადებულ პირს, ცივი იარაღით ორი ჭრილობა მიაყენა. შსს-ს ცნობით, დაკავებული დანაშაულს აღიარებს.

გამოძიება სიცოცხლისთვის სახიფათო ჯანმრთელობის განზრახ მძიმე დაზიანების ფაქტზე, საქართველოს სსკ-ს 117-ე მუხლის 1-ლი ნაწილით მიმდინარეობს. დანაშაული 3-დან 6 წლამდე ვადით თავისუფლების აღკვეთას ითვალისწინებს.