სახელმწიფო უსაფრთხოების სამსახურში არსებულმა, საქართველოს კანონით განსაზღვრულმა კომისიამ, თავისუფლების ქარტიამ, წერილობით მიმართა შინაგან საქმეთა სამინისტროს, 2016 წლის 4 აგვისტოს ქალაქ თელავში სახალხო მოძრაობა სოციალისტური საქართველოს მიერ დაგეგმილ ღონისძიებასთან დაკავშირებით, სადაც ორგანიზაციის მხრიდან შესაძლოა გამოყენებული იქნეს კომუნისტური ტოტალიტარული სიმბოლიკა.

კომისია მიმართავს შსს-ს რომ უზრუნველყოს კომუნისტური ტოტალიტარული იდეოლოგიის საფუძვლების გაღვივების წინააღმდეგ შესაბამისი პრევენციული ღონისძიებების განხორციელება და მიიღოს სათანადო ზომები.

კომისიამ ასევე გაუგზავნა მიმართვა სახალხო მოძრაობა სოციალისტური საქართველოს თავმჯდომარე ვალერი კვარაცხელიას, რათა თავისუფლების ქარტია საქართველოს კანონის მე-7 მუხლის მე-6 პუნქტის მოთხოვნების შესაბამისად, ზემოაღნიშნულ საჯარო ღონისძიებაში არ დაუშვას და აღმოფხვრას კომუნისტური ტოტალიტარული სიმბოლიკის გამოყენება.

სუს-ის განცხადებით, წინააღმდეგ შემთხვევაში გამოყენებული იქნება საქართველოს კანონმდებლობით გათვალისწინებული პასუხისმგებლობის ზომები.

4 აგვისტოს, სახალხო მოძრაობა სოციალისტური საქართველო, თელავის ნიკო სულხანიშვილის სამუსიკო სასწავლებელში ყრლობას მართავს. მათ მიერ გავრცელებულ მოსაწვევზე წერია, რომ ღონისძიებას რუსეთის დუმის დეპუტატი დაესწრება.