როდესაც გკითხავენ თუ რა სიგიჟე ჩაგიდენიათ სიყვარულის სახელით, შეგიძლიათ გაჩუმდეთ და დარცხვენილმა თავი დახაროთ. 41 წლის ჰოლანდიელმა პიტერ კირკმა ყველას გვაჯობა და გააკეთა ის, რასაც ალბათ არც ერთი ჩვენგანი არ გავაკეთებდით.

ფოტო: Mashable

პიტერმა შანხაის აეროპორტში 10 დღე გაატარა იმ იმედით, რომ შეხვდებოდა ჩინელ გოგოს, რომელიც მან ინტერნეტით გაიცნო. კირკმა, როგორც თავად ამბობს, მისი სიყვარული სულ რაღაც 2 თვის წინ გაიცნო და იმდენად შეუყვარდა რომ არ შეეშინდა მის სანახავად ცხრა მთა და ცხრა ზღვა გადაელახა.

ჰოლანდიელმა რომეომ ჩინელი ჯულიეტას ნახვა გადაწყვიტა და ჩინეთის ვიზაზე განაცხადიც შეავსო. მაგრამ იმან რაც შანხაის აეროპორტში მოხდა ყველა გააოგნა…

გოგონა არსად ჩანდა, თუმცა შეყვარებულმა ბიჭმა ფარ-ხმალი არ დაყარა და გადაწყვიტა მის რჩეულს დალოდებოდა.

ფოტო: Mashable

კირკს სჯეროდა, რომ ჯანგი აუცილებლად მოვიდოდა, თუმცა ნელნელა იმედთან ერთად ჯანმრთელობაც მოუკვდა. 10 დღე ჩინეთის აეროპორტში ყოფნა პიტერისათვის გამანადგურებელი აღმოჩნდა და საბოლოოდ ის საავადმყოფოში გადაიყვანეს.

ფოტო: Mashable

ამ ამბავმა ჩინელ ჟურნალისტებამდეც მიაღწია, მათ მოინდომეს და პიტერის სიყვარული სახელად ჯანგი იპოვეს.

ფოტო: Mashable

კითხვაზე თუ რატომ არ შეხვდა ის თავის ვირტუალურ მეგობარ მამაკაცს გოგონამ უპასუხა, რომ მან ნამდვილად იცოდა კირკის ჩამოსვლის ამბავი, თუმცა ეგონა რომ ის ხუმრობდა და მის სანახავად ამხელა გზას არ გამოივლიდა.

გაირკვა ისიც, რომ აეროპორტში არ მისვლის მიზეზი გოგონას პლასტიკურ ოპერაცია გახდა, რომელსაც ის სხვა ქვეყანაში იკეთებდა. გამოჯანმრთელების შემდეგ ჯანგს პიტერთან რომანის გაგრძელების სურვილი აქვს, თუმცა ამასობაში პიტერი თავის სამშობლოში დაბრუნდა და საკითხავია მისცემს თუ არა მეორე შანსს ჯანგს.

პიტერ კირკს ჩინეთში მოგზაურობა როგორც ფინანსური, ისე ჯანმრთელობის მხრივ ძვირად დაუჯდა, მაგრამ მორალური და ფინანსური ზიანის ანაზღაურებას მარტივად შეძლებს, თუ სარკეში ჩახედვისას აღმოაჩენს, რომ აეროპორტში ყოფნის ათმა დღემ ის მსახიობ სტივ ბუშემის დაამსგავსა.