თბილისში, დღეს 18:30 საათზე სვანეთში მიმდინარე მოვლენებთან დაკავშირებით, სოლადირობის ნიშნად საპროტესტო აქცია გაიმართება. აქციის მონაწილეები ჭუბერიდან და ხაიშიდან სპეცრაზმის გაყვანას მოითხოვენ.

გუშინ 26 ივლისს ხაიშსა და ჭუბერში ხე-ტყის უკანონო ჭრასთან დაკავშირებით ფინანსთა სამინისტროს საგამოძიებო სამსახური საგამოძიებო მოქმედებებს ახორციელებდა. უწყებაში On.ge-ს განუცხადეს, რომ აღნიშნულ ოპერაციაში სპეციალური დანიშნულების რაზმის ჩართვა გახდა საჭირო. სწორედ სპეცდანიშნულების რაზმის გამოჩენას მოყვა დაპირისპირებაც.

ჭუბერისა და ხაიშის მაცხოვრებლებმა რაზმს სახლების ჩხრეკის უფლება არ მისცეს და ხელკეტები და ქვები დაუშინეს.