მას შემდეგ, რაც ერევანში პოლიციის შენობაში შეჭრილი თავდამსხმელები ხელისუფლებას ჩაბარდნენ, სომხეთში ადვოკატების 12 კაციანი ჯგუფი შეიქმნა, რომელიც ბრალდებულებს უფასოდ დაიცავს. ინფორმაციას Ekhokavkaza Ria Novosti-ზე დაყრდნობით ავრცელებს.

ასევე ვრცელდება ინფორმაცია, რომ თავდამსხმელების პოლიციის შენობაში შეჭრის შემდეგ, სომხეთში იარაღის გაყიდვა აიკრძალა.

ერევანში 17 ივლისს დაწყებული ამბოხის საქმეზე საგამოძიებო მოქმედებები სისხლის სამართლის კოდექსის შემდეგი მუხლებით მიმდინარეობს: მძევლების აყვანა, შენობის ან სატრანსორტო საშუალების უკანონოდ დაკავება, იარაღის უკანონო შეძენა-შენახვა-ტარება.

17 ივლისს ოპოზიციური მოძრაობის - დამფუძნებელთა პარლამენტის მეთაურის, ჟირაირა სეფილიანის გათავისუფლების მოთხოვნით შეიარაღებული დაჯგუფება პოლიციის შენობაში შეიჭრა და მძევლები აიყვანა. ისინი ასევე მოითხოვენ სომხეთის პრეზიდენტის, სერჟ სარგისიანის გადადგომასა და ხელისუფლების ცვლილებას. ამ დროის განმავლობაში მათ ასევე მძევლებიც ჰყავდათ აყვანილი. მომხდარს მოჰყვა მსხვერპლიც, ასევე დაშავდა რამდენიმე პირი.

თუმცა, 2 დღის წინ ამბოხებულებმა ბოლო მძევლებიც გაათავისუფლეს, ხელისუფლებას ჩაბარდნენ და განაცხადეს, რომ მისია შესრულებუალია, რადგან სომხეთში აჯანყებას დაუდეს სათავე.

სომხეთში მიმდინარე მოვლენების შესახებ დეტალურ ინფორმაციას შეგიძლიათ გაეცნოთ აქ: