AMC-ის საკულტო სერიალი The Walking Dead, მეცხრე სეზონისთვის ემზადება. ახლახან არხმა შოუს ახალი სეზონის პირველი ტიზერი გაავრცელა და იქვე დააანონსა, რომ ტრეილერი დღეს, 20 ივლისს გავრცელდება.

ამ ეტაპზე სერიალის მეცხრე სეზონზე ბევრი არაფერი ვიცით, გარდა იმისა, რომ შოუს ერთ-ერთმა მთავარმა მსახიობმა ენდრიუ ლინკოლნმა სერიალის დატოვება გადაწყვიტა და ის მეცხრე სეზონიდან მოსიარულე მკვდრებში აღარ გამოჩნდება.

ახალი დეტალები შოუსთან დაკავშირებით ტრეილერის გამოსვლის შემდეგ გავრცელდება.