ფინანსური პოლიციის ინფორმაციით, საგამოძიებო მოქმედებების შედეგად საბაჟო საზღვარზე 11,2 კილოგრამი კონტრაბანდისტული ოქრო ამოიღეს, რომლის საერთო ღირებულება 670 000 ლარს აღემატება. უწყების მიერ გავრცელებულ განცხადებაში ნათქვამია, რომ საზღვარზე საქონლის გადაადგილების წესის დარღვევის სულ ოთხი ფაქტი გამოვლინდა.

გამოძიების ცნობით, სამ შემთხვევაში ბრალდებულები გამშვები პუნქტის, სარფის გავლით საბაჟო კონტროლისგან მალულად არადეკლარირებული ოქროს ნაკეთობების შემოტანას ცდილობდნენ. აქვე აღნიშნულია, რომ მეოთხე შემთხვევაში ბრალდებული ვალეს გავლით, ავტომანქანაში მოწყობილი სპეციალური სამალავის საშუალებით დიდი რაოდენობით ოქროს შემოტანას ცდილობდა.

გამოძიება საქართველოს სისხლის სამართლის კოდექსის 214-ე მუხლის პირველი და მეორ ნაწილებითაა დაწყებული, რაც თავისუფლების აღკვეთას 5-დან 7 წლამდე ვადით ითვალისწინებს.