დაახლოებით 2 საათის წინ ბათუმის საერთაშორისო აეროპორტში მგზავრს ბავშვი ეყოლა. ინფორმაციას ბათუმის აეროპორტი ავრცელებს.

აეროპორტის ინფორმაციით, ურალის ავიახაზების მგზავრს, რომელიც ბათუმიდან მოსკოვის მიმართულებით მიფრინავდა ნაადრევი მშობიარობა გაფრენის დარბაზში დაეწყო.

"მშობიარობა აეროპორტის მორიგე ექიმმა ტერმინალის სამედიცინო პუნქტში მიიღო. მშობიარობის პროცესში ექიმს თავისი პერსონალი ეხმარებოდა. ახალშობილი და დედა თავს კარგად გრძნობენ", - აცხადებენ აეროპორტში.