სოციალური ქსელის მომხმარებლის, ზვიად ზალიკიანის ფეისბუქპოსტის მიხედვით, ზესტაფონში საკუთარ ეზოში შეფარებული ძაღლი მოუკლეს. მისივე თქმით, დამნაშავის ვინაობა მისთვის უკვე ცნობილია.

ზალიკიანის ცნობით, ძაღლი ადრე მეზობლებმა სცემეს, რის შემდეგაც მათ მიმართ აგრესია გაუჩნდა, თუმცა არასდროს არავისთვის უკბენია. ის იხსენებს, რომ საპატრულო პოლიციის თანამშრომლის თანდასწრებით ძაღლის ცემა მერიის თანამშრომელმაც სცადა, თუმცა პატრულს ეს არ შეუმჩნევია.

ზალიკიანი ძაღლის მკვლელობის საქმეში საპატრულო პოლიციის თანამშრომლების მუშაობაზე საუბრობს. მისივე თქმით, პატრულმა მის ოჯახის წევრებს უთხრა, რომ ძაღლი ხალხს კბენდა და ამიტომ მოსაკლავი იყო.

შსს-მ On.ge-სთან საუბარში განახადა, რომ აღნიშნულ ფაქტთან დაკავშირებით გამოძიება საქართველოს სისხლის სამართლის კოდექსის 259-ე, ცხოველებისადმი სასტიკი მოპყრობის მუხლით დაიწყო, რაც ისჯება ჯარიმით ან გამასწორებელი სამუშაოთი ვადით ერთ წლამდე.