იმის მიუხედავად, რომ საქართველოს თითქმის ყველა მაღაზიაში შესაძლებელია საზამთროსა და ნესვის ყიდვა, ამ მხრივ აგროჰაბი გამონაკლისია. ჰიპერმარკეტში ამბობენ, რომ საზამთროში ნიტრატების ზღვრული მაჩვენებლის გამო პროდუქტის გაყიდვაზე უარს ამბობენ.

საზამთროსა და ნესვთან დაკავშირებით სურსათის ეროვნული სააგენტოს სურსათის უვნებლობის დეპარტამენტის ხელმძღვანელს გიორგი მიქაძეს ჟურნალისტებმა ჰკითხეს.

"რაც შეეხება საზამთროში, ნესვსა, თუ ზოგადად ხილში ნიტრატების შემცველობას - ამასთან დაკავშირებით ჩვენ გვაქვს სახელმწიფო პროგრამა. 60-მდე ნიმუში წლის განმავლობაში უნდა ავიღოთ, 20-მდე ნიმუში უკვე აღებულია. დარღვევა, ჯერჯერობით, ნიტრატების ნაწილში არ გვაქვს. ჩვენ მას ვიკვლევთ აკრედიტებულ ლაბორატორიებში", - აცხადებენ სეს-ში.