დღეს, 12 ივლისს ბრიუსელში მიმდინარე ნატოს სამიტზე გიორგი მარგველაშვილმა და იენს სტოლტენბერგმა შეხვედრის შემდეგ, ერთობლივი პრესკონფერენაცია გამართეს და მანამდე განხილულ საკითხებზე ისაუბრეს:

"ჩემი ქვეყნისთვის ეს უპრეცედენტო შემთხვევაა, რადგან ჩვენ გვაქვს შესაძლებლობა, რომ მსოფლიო ლიდერებთან საქართველოს უსაფრთხოება, მომავალი და სტაბილურობა უკრაინასთან ერთად განვიხილოთ. საქართველო, როგორც ალიანსის საიმედო პარტნიორი ხელს უწყობს ევროატლანტიკურ სტაბილურობასა და ერთ-ერთ უმნიშვნელოვანესი კონტრიბუტორია მტკიცე მხარდაჭერის მისიაში".

მარგველაშვილის განცხადებით, საქართველო მზადაა თანამშრომლობის გასაძლიერებლად კონტრდაზვერვის, უსაფრთხო კომუნიკაციებისა და კიბერუსაფრთხოების მიმართულებით:

"მომავალ წელს ვგეგმავთ ძალიან ინტენსიური წვრთნების ჩატარებას ჩვენ მოკავშირეებთან ერთად. ჩემი პოზიცია, რომელსაც ბევრი ჩვენი მეგობარი და მოკავშირე იზიარებს არის ის, რომ ქართველი ხალხი, მათი შესაძლებლობების, თავდადებისადა საერთო ტვირთის გაზიარების გათვალისწინებით, ვიმსახურებთ ალიანსთან სწრაფ დაახლოებას", - აღნიშნა გიორგი მარგველაშვილმა.