"ოკუპანტი ქვეყანა მსოფლიო ჩემპიონატს გამოეთიშა", - ქართველი კომენტატორის ამ ფრაზიდან რამდენიმე წამში სრულიად ქართულმა ინტერნეტსივრცემ რუსეთის დამარცხება იზეიმა. ზეიმი ფეისბუქსტატუსებით დაიწყო, თუმცა რუსეთის ეროვნული ნაკრების ოფიციალურ გვერდზე პოსტის გამოქვეყნების შემდეგ სიტუაცია შეიცვალა.

"მადლობა თქვენ კაცებო!!! რუსეთის ეროვნული ნაკრები ნახევარფინალში ვერ გადადის. #ჩვენთვისყველასთვისთითეულისთვის", - დაწერეს ნაკრების გვერდზე. პოსტს ტრადიციული შედეგი მოყვა და HAHA შეტევას ემსხვერპლა.

ბოლო მონაცემებით HAHA სხვა რეაქციებს ჭარბობს, ბრძოლა კი ჯერ არ დასრულებულა.