ჩოხატაურის მუნიციპალიტეტში სოფელ ბუკისციხეში მერის წარმომადგენელი, გელა ეზიეშვილი ნარკოტიკების უკანონო შეძენა-შენახვის ბრალდებით დააკავეს. ინფორმაციას შინაგან საქმეთა სამინისტროში On.ge-ს დაუდასტურეს.

შინაგან საქმეთა სამინისტროში აცხადებენ, მერის წარმომადგენლის პირადი ჩხრეკისას 1 აბი ნარკოტიკული საშუალება "სუბოქსინი" ამოიღეს. უწყების ცნობით, ეზიეშვილი დაკავებისას ნარკოტიკული საშუალების ზემოქმედების ქვეშ იყო.

როგორც შსს-ში On.ge-ს განუცხადეს, საქმეზე გამოძიება საქართველოს სისხლის სამართლის კოდექსის 260-ე მუხლის პირველი ნაწილით მიმდინარეობს. ეს მუხლი გულისხმობს ნარკოტიკული საშუალების უკანონო შეძენა-შენახვას გულისხმობს და ისჯება თავისუფლების აღკვეთით 6 წლამდე ვადით.