შავი ზღვის სანაპიროზე მოსალოდნელი 3-4 ბალიანი შტორმის გამო ზღვაში ბანაობა აიკრძალა. ამის შესახებ ინფორმაციას საგანგებო სიტუაციების მართვის სამსახური ავრცელებს და დამსვენებლებს აფრთხილებს, რომ ყურადღება მიაქციონ ამკრძალავ ნიშნებს.

უწყების ცნობით, ყველა სამაშველო კოშკურაზე აღმართულია გამაფრთხილებელი ნიშანი, წითელი ალამი. მათივე ინფორმაციით, საშტორმო ვითარებაში, მაშველებმა ზღვაზე 4 მოქალაქე გადაარჩინეს.