დღეს, 30 ივნისს გამთენიისას, თბილისში, ვაშლოვანის ქუჩაზე მდებარე ბარ საქსესში ინციდენტი მოხდა, რასაც შინაგან საქმეთა სამინისტროში სიტყვიერ დაპირისპირებად აფასებენ. ლგბტ აქტივისტი კობა ბიწაძე კი ფეისბუქის საკუთარ გვერდზე წერს, რომ ჰომოფობიური სიძულვილით მოტივირებული ადამიანები თავს დაესხნენ ბარის სტუმრებს.

შინაგან საქმეთა სამინისტროში On.ge-ს უთხრეს, რომ ადგილზე იმყოფებოდა საპატრულო პოლიცია. მათივე ცნობით, ინციდენტის დროს არავინ დაშავებულა. ამჟამად მიმდინარეობს ფაქტის შესწავლა და დღეს ყველა იმ პირის გამოკითხვა იგეგმება, ვინც დაპირისპირებაში მონაწილეობდა. შემთხვევის შედეგად არავინ დაუკავებიათ.