სტატისტიკის ეროვნული სამსახურის წინასწარი შეფასებით, წინა წლის შესაბამის პერიოდთან შედარებით 2018 წლის მაისში რეალური მთლიანი შიდა პროდუქტის ზრდის ტემპმა 7,5 პროცენტი შეადგინა.

პრემიერ-მინისტრი, მამუკა ბახტაძე 7,5%-იან ზრდას მთავრობის სწორ ეკონომიკურ პოლიტიკას უკავშირებს:

"ეს არის იმის დადასტურება, განხორციელებული და დაანონსებული რეფორმები ქმნის ისეთ გარემოს, სადაც ეკონომიკური ზრდის ტემპები აუცილებლად დაჩქარებული იქნება."

ეკონომიკური ზრდის მაჩვენებელი გიორგი კვირიკაშვილის პრემიერობის პერიოდს ემთხვევა. კვირიკაშვილმა კი გადადგომის მიზეზად მმართველ გუნდთან ეკონომიკურ პოლიტიკაზე აზრთა სხვადასხვაობა დაასახელა. მისი თქმით, უმრავლესობა მისი მეთაურობით გატარებულ ეკონომიკურ პოლიტიკას არ ეთანხმებოდა.

პრემიერად წარდგენის შემდეგ კი ბახტაძემ განაცხადა, რომ ახალ ეკონომიკურ მოდელს ჩამოაყალიბებდნენ და პრიორიტეტი მცირე მთავრობა იქნებოდა.