Railly News-ის ცნობით, ბაქო-თბილისი-ყარსის სარკინიგზო მაგისტრალის მშენებელმა კომპანიებმა განაცხადეს, რომ სამუშაოების 87% შესრულებულია.

თურქეთის ტრანსპორტირების მინისტრი ყარსს ესტუმრა, სადაც განაცხადა, რომ დიზელზე მომუშავე მატარებლები გეგმას წლის ბოლოსთვის უკვე შეასრულებენ, ხოლო გვირაბებისა და გზაგამტარის სამშენებლო სამუშაოების მშენებლობა კვლავ გაგრძელდება.

ბაქო თბილისი ყარსის რკინიგზა ახალი დერეფანი იქნება, რომელიც აზერბაიჯანს, საქართველოსა და თურქეთს სარკინიგზო მაგისტრალით დააკავშირებს. პროექტი ასევე გახსნის ჩრდილო-სამხრეთ დერეფანს რუსეთიდან თურქეთის მიმართულებით.

ბაქო-თბილისი-ყარსის რკინიგზას შეუძლია მნიშვნელოვნად შეამციროს ტრანზიტის ხანგრძლივობა ევროპასა და ჩინეთს შორის.

ბაქო-თბილისი-ყარსის სარკინიგზო მაგისტრალის მშენებლობას საფუძველი აზერბაიჯანის პრეზიდენტის ილჰამ ალიევის ინიციატივით ჩაეყარა. პროექტის განხორციელება კი საქართველომ, აზერბაიჯანმა და თურქეთმა 2007 წელს დაიწყეს.