თბილისში, ხორავას ქუჩაზე მოკლული დავით სარალიძის მამა, ზაზა სარალიძე, მოზარდების მკვლელობის საქმის პროკურორის ზვიად ფხაკაძისა და გამომძიებლის კახა სირაძის დაკავებას ითხოვს.

სარალიძე აცხადებს, რომ გუშინდელი გამოკითხვის დროს ნათელი გახდა, რომ პროკურატურისა და შსს-ს წარმომადგენლები მკვლელობის საქმეში დეტალებს მალავდნენ.

ეს განცხადება ზაზა სარალიძემ პანკისში გააკეთა, სადაც ზვიად კუპრავასთან ერთად მალხაზ მაჩალიკაშვილს ხვდება.

ზვიად კუპრავას განმარტებით, შეხვედრაზე სამოქმედო სტრატეგიას შეიმუშავებენ.