ახალი ზელანდიის მთავრობამ პროგრამა "ახალი ზელანდია მტაცებლების გარეშე დააანონსა.

პროგრამა, 2050 წლისთვის, ყველა უცხო სახეობის მტაცებლის განადგურებას ისახავს მიზნად.

როგორც ქვეყნის პრემიერმა განაცხადა, ვირთხები, სინდიოფალები, ველური კატები და სხვა მსგავსი სახეობები ახალ ზელანდიაში მობინადრე ფრინველებს ხოცავენ და მათ არსებობას საფრთხეს უქმნიან.

სტატისტიკური მონაცემებით, მტაცებელთა მსხვერპლი წელიწადში 22 მილიონი ადგილობრივი სახეობის ფრინველი ხდება.

ახალი ზელანდიის მთავრობა ყოველწლიურად $40 მილიონს ხარჯავს ფრინველების დასაცავად. ახალი პროგრამისთვის $2.5 მილიარდი გამოიყო, თანხა ცხოველების განადგურებისთვის საჭირო ახალი ტექნოლოგიების შექმნაზე დაიხარჯება.