ავტომობილების მწარმოებელი გერმანლი ბრენდი BMW და თვითმფრინავების მწარმოებელი ფრანგული კომპანია Airbus დიდი ბრიტანეთის დატოვებით იმუქრებიან. კომპანიები მოითხოვენ დიდი ბრიტანეთი ევროკავშირიდან გამოსვლის ეკონომიკურ პირობებზე დროულად შეთანხმდეს.

BBC-ის ინფორმაციით, BMW-ს ბრიტანული ფილიალის ხელმძღვანელმა, განაცხადა რომ ბრიტანეთის ევროკავშირთან ეკონომიკურ შეთანხმებას ზაფხულის ბოლომდე დაელოდებიან, წინააღდეგ შემთხვევაში კი ქვეყნის დასატოვებლად გეგმას შეიმუშავებენ.

BMW-ს ბრიტანულ ოფისში 8 ათასია დასაქმებული, Airbus-ში კი 14 ათასი. ბრიტანეთის მთავრობა აცხადებს, რომ მაქსიმალურად ხელსაყრელი პირობებზე შეთანხმების მიღწევას შეძლებს.

ბრექსიტის შესახებ რეფერერენდუმში გაერთიანებული სამეფოს მოსახლეობის 51,9 პროცენტმა ევროკავშირის დატოვებას დაუჭირა მხარი. რეფერენდუმის შედეგების გამოცხადებას მყისიერად მოჰყვა ბრიტანული ვალუტის გაფუასურება და მან დოლართან მიმართებით 30-წლიან მინიმუმს მიაღწია.