გაეროს ინფორმაციით, 2017 წელთან შედარებით ლტოლვილთა რიცხვი სამი მილიონით გაიზარდა და რეკორდული მაჩვენებელი 68,5 მილიონი შეადგინა.

ლტოლვილების რიცხვი გაიზარდა მიუხედავად იმისა, რომ ხუთი მილიონი ადამიანი თავის საცხოვრებელს დაუბრუნდა.

68,5 მილიონიდან 40 მილიონი იძულებით გადაადგილებული პირია. 25,4 მილიონმა ადამიანმა საკუთარი სახლები კონფლიქტისა და დევნის შიშით დატოვა. ასევე, 3,1-მა მილიონმა თავშესაფარი მოითხოვა.

გაეროს ინფორმაციით, დევნის ან კონფლიქტის მიზეზით ყოველდღიურად 44 400 ადამიანი იძულებული ხდება საკუთარი სახლი დატოვოს. ამასთანავე, 10 მილიონ ადამიანს არ აქვს მოქალაქეობა.

ლტოლვილთაგან 85 პროცენტი განვითარებულ ქვეყანაში ხვდება. იძულებით გადაადგილებული პირებიდან ყველაზე მეტი, 57 პროცენტი არის ავღანეთიდან, სირიიდან და სამხრეთ სუდანიდან.

ყველაზე მეტი ლტოლვილი მიიღეს თურქეთმა (3,5 მილიონი), პაკისტანი (1,4 მილიონი), უგანდა (1,4 მილიონი), ლიბანი (მილიონი), ირანი (970 ათასი).

გაეროს დოკუმენტის მიხედვით, 2017 წელს თავშესაფარი 100 ათასმა ადამიანმა მიიღო, მაშინ, როდესაც სამხედრო კონფლიქტების გამო თავშესაფრის მოთხოვნით სხვადასხვა ქვეყანას 3 მილიონმა ადამიანმა მიმართა.