ეკონომიკური მიმართულების ხუთი კომიტეტის გაერთიანებულ სხდომაზე გარდამავალ მთავრობას მხარი დაუჭირეს. კომიტეტებმა კენჭისყრა ცალ-ცალკე ჩაატარეს.

ხმების გადანაწილება:

  • დარგობრივი ეკონომიკისა და ეკონომიკური პოლიტიკის კომიტეტი - ცხრა მომხრე ერთი წინააღმდეგი.
  • საფინანსო-საბიუჯეტო კომიტეტი - შვიდი მომხრე და ერთი წინააღმდეგი
  • აგრარულ საკითხთა კომიტეტი - 11 მომხრე, ერთმა თავი შეიკავა
  • გარემოს დაცვისა და ბუნებრივი რესურსების კომიტეტი - რვა მომხრე ორმა თავი შეიკავა.
  • რეგიონული პოლიტიკისა და თვითმმართველობის კომიტეტი - ცხრა მომხრე.

საქართველოს პარლამენტში ახალი პრემიერისა და ძველი მთავრობის დამტკიცებისთვის საკომიტეტო მოსმენები მიმდინარეობს. მოსმენა გაერთიანებული კომიტეტების სხდომაზე ეტაპობრივად მთელი დღის განმავლობაში გაგრძელდება.

ძველი მთავრობისა და ახალი პრემიერის დამტკიცების შემდეგ, პარლამენტი სტრუქტურულ ცვლილებებს განახორციელებს, რაც იმას ნიშნავს, რომ სამინისტროების რაოდენობა 14-დან 11-მდე შემცირდება და უკვე სამი კვირის შემდეგ, მამუკა ბახტაძე განახლებულ მთავრობას წარადგენს.