აშშ-ის პრეზიდენტმა, დონალდ ტრამპმა დაავალა პენტაგონს, რომ სამხედრო კოსმოსური ძალები შექმნას. პრეზიდენტის თქმით, ამით კოსმოსში აშშ-ის დომინირება განმტკიცდება.

პრეზიდენტის მტკიცებით, ეს გეგმა უზრუნველყოფს, რომ ამერიკა, რომელიც მთვარეზე დაბრუნებასა და მარსის მისიას აპირებს, კოსმოსურ რბოლაში ჩინეთსა და რუსეთზე წინ არის.

"ძალიან მნიშვნელოვანია, რომ პენტაგონსა და თავდაცვის სამინისტროებს ვავალებ შექმნან კოსმოსური ძალები, როგორც შეიარაღებული ძალების მეექვსე შტო", - განაცხადა ტრამპმა.

კოსმოსური ძალების შექმნაზე დონალდ ტრამპმა საუბარი ჯერ კიდევ ამ წლის მარტში დაიწყო. ექსპერტები შიშობენ, რომ ამით აშშ კოსმოსში იარაღის განთავსებას.

1967 წლის კოსმოსის შესახებ შეთანხმების თანახმად, რომელსაც სსრკ-მ, აშშ-მ და დიდმა ბრიტანეთმა მოაწერეს ხელი, დედამიწის, მთვარისა და ხელოვნური თანამგზავრების ორბიტებზე მასობრივი განადგურების იარაღის განთავსება აკრძალულია. შემდგომში შეთანხმებას სხვა ქვეყნებიც შეუერთდნენ, თუმცა ჩვეულებრივი იარაღის განთავსებას ის არ არეგულირებს.s