რამდენიმე წუთის წინ საქართველოს პრემიერობის კანდიდატად ფინანსთა ყოფილი მინისტრი, მამუკა ბახტაძე წარადგინეს. ბახტაძემ თავის ოთხ პრიორიტეტზე ისაუბრა.

On.ge გთავაზობთ ბახტაძის პრიორიტეტებს:

  1. ქართველი ხალხის ისტორიული არჩევანის ბოლომდე მიყვანა და საქართველოს ევროატლანტიკურ სივრცეში სრულფასოვანი ინტეგრაცია. ამ კუთხით ქართულ ოცნებას აქვს დიდი წარმატება და ამ წარმატებას სჭირდება გაღრმავება და განმტკიცება, ჩვენ განვახორციელებთ ინოვაციურ და ფუნდამენტურ რეფორმებს ყველა საჭირო მიმართულებით;
  2. ჩვენ ჩამოვაყალიბებთ ახალ ეკონომიკურ მოდელს ახალი სამართლიანი თამაშის წესებით, რომელიც შეეხება თითოეულ ქართულ ოჯახს და ჩვენს ყველა მოქალაქეს. ჩვენ შევძლებთ და შევამცირებთ ჩამორჩენას, დემოკრატიის მაღალ სტანდარტსა და ეკონომიკურ მდგომარეობას შორის, ჩვენ გავაგრძელებთ დემოკრატიული ინსტიტუტების შემდგომ განვითარებას და გაძლიერებას, ეს არის მცირე მთავრობის კონცეფცია, საქართველოს სჭირდება მცირე და ამავე დროს მოქნილი და ეფექტური სამთავრობო სტრუქტურები;
  3. მიზანშეწონილად მიმაჩნია გაძლიერდეს ინსტიტუციური და საზოგადოებრივი კონტროლი ამ უწყებებზე ამავე დროს ანტიკორუფციული ხაზით, მეოთხე რომელიც პირდაპირ გითხრათ არის;
  4. ჩემი ცხოვრების მთავარი პრიორიტეტი არის განათლება ინოვაცია და ახალგაზრდობა. ჩვენ გვინდა ამ ინოვაციური, თავის შესაძლებლობებში დარწმუნებული ახალგაზრდობა, რომელიც მოიტანს საქართველოს ჩართვას განვითარებული ეკონომიკების რიცხვში. ასეთი საქართველო არის შეთავაზება ჩვენი აფხაზი და ოსი ძმები დავბრუნდეთ ერთიან ოჯახში. შესაბამისად, მასშტაბური ინვესტიციები განათლებაში და ამ სექტორის ფუნდამენტური რეფორმა იქნება საქართველოს მთავრობის აბსოლუტური პრიორიტეტი.