ტიმ ბარტონმა 1941 წლის ანიმაციური ფილმი ყურპარტყუნა სპლიყვზე მხატვრულ ფილმად აქცია და დღეს დისნეიმ მისი პირველი ტრეილერი გამოუშვა.

დამბო უამრავი ადამიანის საყვარელი მულტფილმია, რომელიც მოგვითხრობს ისტორიას სპლიყვზე, ვეება ყურებით. მას ამის გამო ბევრი დამცირების ატანა უწევს, თუმცა საბოლოო ჯამში სწორედ ეს ყურები გახდება მისი მთავარი ძალა, რისი დახმარებითაც პატარა სპილოს ფრენასა და გათავისუფლებას შეძლებს.

ფილმში მონაწილეობენ ევა გრინი, კოლინ ფარელი, მაიკლ კიტონი და დენი დევიტო. სიუჟეტის მიხედვით, კოლინ ფარელის პერსონაჟი ცირკის ყოფილი ვარსკვლავია, რომელიც ომიდან დაბრუნების შემდეგ, სცენას უბრუნდება.

დისნეიმ, ტრეილერთან ერთად, ფილმის პირველი პოსტერიც გამოუშვა.

ფოტო: Disney

დამბო კინოთეატრებში 2019 წლის 29 მარტიდან გამოვა.

ასევე ნახეთ: 12 მულტფილმი, რომელსაც დისნეი მხატვრულ ფილმებად გადაიღებს