მირზა სუბელიანმა რამდენიმე წუთის წინ შინაგან საქმეთა სამინისტროს შენობა დატოვა. მისი თქმით, მას გაუთქმელობის ხელწერილი აქვს დადებული და ჟურნალისტებთან დეტალებზე არ ისაუბრა.

სუბელიანმა შესვლამდე ჟურნალისტებს არაფერი უთხრა და მხოლოდ ის განაცხადა, რომ საუბარი გამოძიების პრეროგატივაა. იგი გამოკითხვაზე პირველ ივნისსაც იმყოფებოდა. მაშინ მას რამდენიმე საათის განმავლობაში კითხავდნენ.

ხორავას ქუჩაზე მოკლული დავით სარალიძის მამა, ზაზა სარალიძე მოითხოვდა, რომ მირზა სუბელიანის პასუხისგებაში მიეცათ.

თბილისის საქალაქო სასამართლომ ხორავას ქუჩის საქმეზე ერთი ბრალდებული სარალიძის ნაწილში გაამართლა, ხოლო მეორე ბრალდებულს სარალაძის ნაწილში მუხლი შეუცვალეს. კერძოდ, მუხლი განზრახ მკვლელობიდან მკვლელობის მცდელობად გადაკვალიფიცირდა. დავით სარალიძის მკვლელობაში ბრალდებული გამოძიებას არ ჰყავს და დაკავებულს ედავებიან მხოლოდ განზრახ მკვლელობის მცდელობას.