პრაიმტაიმისთვის მიცემულ ინტერვიუში, განათლების მინისტრმა განაცხადა, რომ განათლების მიმართ მედიამხარდაჭერის გასაძლიერებლად კონკრეტულ ღონისძიებებს გაატარებს.

ალექსანდრე ჯეჯელავას თქმით, ის უკვე ესაუბრა რამდენიმე პირს, რომლებიც მედიაში საქმიანობენ. სატელევიზიო სივრცეში აღდგება გადაცემა ეტალონი, მისი წამყვანი გოჩა ტყეშელაშვილი კი განათლების სამინისტროსთან ითანამშრომლებს:

"ვესაუბრე გიორგი ისაკაძეს, რომელიც ჩემი მეგობარია და ვაპირებ, ვთხოვო, ჩაერთოს სწავლის მედიამხარდაჭერის განვითარებაში. მინდა შევკრიბო ისეთი ხალხი, ვინც გვირჩევს. შეხვედრა მქონდა არასამთავრობოებთან, ასევე ლექსო ალექსიშვილთან, რომელიც ფინანსთა მინისტრი იყო და კარგად ერკვევა ფინანსურ საკითხებში. ეტალონის აღდგენას ვაპირებთ და გოჩა ტყეშელაშვილი ჩვენთან იქნება და ითანამშრომლებს. ვაპირებ, ვინც კი ამ სისტემაშია და ახლომახლო, ყველა იყოს ჩვენი მხარდამჭერი".

ინტერვიუში განათლების მინისტრმა ასევე განაცხადა, რომ მასწავლებლების მიმართ ნდობის აღდგენაზე გამოცდილ მენეჯერებთან ერთად მუშაობას აპირებს.