ზუგდიდი-ჯვარი-მესტია-ლასდილის საავტომობილო გზის 192-ე კილომეტრზე, კონკრეტულად კი უშგული-ლასდილის მონაკვეთზე ჩაწყდა გზის სავალი ნაწილი, რის გამოც აღნიშნულ მონაკვეთზე იკრძალება ყველა სახის ავტოტრანსპორტის მოძრაობა. ამის შესახებ ინფორმაციას საავტომობილო გზების დეპარტამენტი ავრცელებს.

განცხადებაში ვკითხულობთ, რომ ადგილზე მობილიზებულია შესაბამისი ტექნიკა და გზის აღდგენითი სამუშაოები მიმდინარეობს.