თბილისში, ვაკის პარკში გამართული აქციის ორგანიზატორები პრემიერს 3 მოთხოვნას უყენებენ. ამის შესახებ მათ რამდენიმე წუთის წინ დღეს, 4 ივნისს გამართულ აქციაზე განაცხადეს.

აქციის ორგანიზატორების მოთხოვნები:

  1. დაუყოვნებლივ შეხვდეს მათ პრემიერი, გიორგი კვირიკაშვილი;
  2. შეიქმნას საგამოძიებო კომისია, რომელიც დაკომპლექტდება საზოგადოებისთვის ნდობით აღჭურვილი პირებისგან;
  3. დაისაჯოს ყველა ის პირი ვიცნ ხელს უწყობდა ხორავას ქუჩის საქმეზე გამოძიების არასწორად წარმართვას.

"წინააღმდეგ შემთხვევაში ვაანონსებთ და სრული პასუხისმგებლობით ვაცხადებთ, ვაკის პარკის აქციები მიიღებს სისტემატიურ ხასიატს, სადაც მოხდება თავისუფალი და მშვიდობიანი მოქალაქეების, ახალგაზრდების მობილიზაცია", - განაცხადა აქციის ერთ-ერთმა ორგანიზატორმა.

ვაკის პარკში ზაზა სარალიძის მხარდასაჭერად აქცია გუშინ, 3 ივნისს პირველად გაიმართა. აქციის ორგანიზატორები ამბობდნენ, რომ აპოლიტიკურ აქციაზე ისინი ზაზა სარალიძეს უჭერდნენ მხარს, თუმცა, ძირითადად, მაინც ნაციონალური მოძრაობის წინააღმდეგ ისმოდა განცხადებები. სიტყვით გამომსვლელები არ ერიდებოდნენ არც ჰომოფობიური შინაარსის განცხადებებს.