ცოტა ხნის წინ გერმანიაში, შტუტგარტთან ახლოს, პატარა ქალაქ როიტლინგენში მაჩეტეთი შეიარაღებული პირი საქაბაბესთან ახლოს თავს დაესხა მოქალაქეებს. შედეგად, 1 ქალი დაიღუპა, 2 პირი კი – დაშავდა.

გერმანული გამოცემა ბილდის ცნობით, თავდამსხმელი პოლიციმ დაუყონებლივ დააკავა. შემთხვევას არაერთი თვითმხილველი ჰყავდა. ჯერჯერობით, უცნობია თავდასხმის მოტივი.

ეს არის მესამე გახმაურებული თავდასხმა ბოლო დღეების განმავლობაში გერმანიაში.

რამდენიმე დღის წინ ნაჯახით შეიარაღებული ავღანელი ლტოლვილი მატარებელში თავს დაესხა მგზავრებს და 5 პირი მნიშვნელოვნად დააზიანა. თავდასხმაზე პასუხისმგებლობა ტერორისტულმა ორგანიზაცია ისლამურმა სახელმწიფომ აიღო. თავდამსხმელი პოლიციამ მოკლა. 23 ივლისს მორიგ თავდასხმას გერმანიაში 10 ადამიანი ემსხვერპლა, არაერთი დაშავდა. როგორც გაირკვა, თავდამსხმელს ფსიქიკური პრობლემები ჰქონდა, იზიარებდა ანდერს ბრეივიკის იდეებს, იყო სკოლაში ბულინგის მსხვერპლი, რის გამოც თანაკლასელებს ის არაერთხელ დამუქრებია მოკვლით.