საქართველოს შინაგან საქმეთა სამინისტროს ინფორმაციით, კანონიერი ქურდობის ბრალდებით, 1971 წელს დაბადებული, წარსულში რამდენჯერმე ნასამართლევი თეიმურაზ ჩ. თბილისის საერთაშორისო აეროპორტში დააკავეს.

სამართალდამცავი უწყების განცხადებით, თეიმურაზ ჩ. ბოლო რამდენიმე წელი რუსეთის ფედერაციაში ცხოვრობდა და ე.წ. ქურდულ სამყაროში აღიარებულია „კანონიერ ქურდად“. პოლიციელებმა ბრალდებული თბილისის საერთაშორისო აეროპორტში იმ დროს დააკავეს, როდესაც საქართველოში ოდესა-თბილისის რეისით ჩამოფრინდა.

გამოძიება კანონიერი ქურდობის ბრალდებით მიმდინარეობს საქართველოს სსკ-ის 223-ე პრიმა მუხლის მე-2 ნაწილით.